Paresh Goswami Rain Forecast :- વરસાદ માટે તૈયાર રહેજો! આ છ દિવસ રાજ્યમાં માવઠાના એંધાણ, જાણો પરેશ ગોસ્વામીની આગાહી

Paresh Goswami Rain Forecast :-હવામાન નિષ્ણાત પરેશ ગોસ્વામીએ જણાવ્યુ છે કે, “હાલ અરબ સાગરમાં મોટી અસ્થિરતા છે. જોકે, આ અસ્થિરતા આપણાથી ઘણી દૂર છે.”

અમદાવાદ: ગુજરાતમાં ફરીથી વરસાદી માહોલ જામ્યો છે. ત્યારે હવામાન વિભાગે આગામી સાત દિવસ રાજ્યના અનેક વિસ્તારોમાં છૂટાછવાયા સ્થળોએ વરસાદ પડવાની આગાહી કરવામાં આવી છે. તો બીજી બાજુ હવામાન નિષ્ણાત પરેશ ગોસ્વામીએ 18મી તારીખ સુધી વરસાદની આગાહી કરવામાં આવી છે.

Paresh Goswami Rain Forecast

હવામાન નિષ્ણાત પરેશ ગોસ્વામીએ ગુરુવારે રાત્રે પોતાની સોશિયલ મીડિયા ચેનલ પર ગુજરાતમાં વરસાદની આગાહી કરી છે. જેમાં તેમણે જણાવ્યું છે કે, હાલ અરબ સાગરમાં મોટી અસ્થિરતા છે. જોકે, આ અસ્થિરતા આપણાથી ઘણી દૂર છે. છતાં પણ આવો માહોલ જોવા મળી રહ્યો છે.

13 થી 18 તારીખમાં તીવ્ર માવઠું!

આ સાથે તેમણે જણાવ્યું છે કે, 13થી 18 ઓક્ટોબરની વચ્ચે વધુ એક માવઠાનો રાઉન્ડ થવાની શક્યતા છે. આ માવઠાને કારણે નુકસાન થવાની સંભાવના છે. કારણ કે, હાલ પાકનું હાર્વેસ્ટિંગ ચાલી રહ્યું છે. જેથી પાકમાં નુકસાન થઈ શકે છે. આ વર્ષે જુલાઈ, ઓગસ્ટ અને સપ્ટેમ્બરમાં વધારે વરસાદને કારણે ખેડૂતોને નુકસાન થયું છે. આ ઓક્ટોબરમાં પણ માવઠું થવાનું છે જેનાથી પણ ખેડૂતોને નુકસાન થઈ શકે છે.

હવામાન વિભાગે આપેલી માહિતી પ્રમાણે, આજે શુક્રવારે અને શનિવારે એટલે કે નોમ અને દશેરાના દિવસે પોરબંદર, જૂનાગઢ, અમરેલી, ગીર સોમનાથ, ભાવનગર, અમદાવાદ, આણંદ, ખેડા, અરવલ્લી, મહીસાગર, પંચમહાલ, દાહોદના અમુક સ્થળોએ ગાજવીજ સાથે હળવાથી મધ્યમ વરસાદની આગાહી છે. વડોદરા, ભરૂચ, નર્મદા, છોટાઉદેપુર, સુરત, તાપી, નવસારી, તાપી, ડાંગ, વલસાડ જિલ્લાના દમણ અને દાદરાનગર હવેલીમાં ઘણાં સ્થળોએ ગાજવીજ સાથે હળવાથી મધ્યમ વરસાદની આગાહી છે. આ ઉપરાંતના તમામ જિલ્લાઓમાં વરસાદની કોઈ આગાહી નથી.

13 તારીખની હળવાથી મધ્યમ વરસાદની આગાહી